Թուրքիայի վարչապետ Ահմթեդ Դավութօղլուն հայտարարել է, որ պաշտոնական Անկարան ծրագրում է Սիրիայի հետ սահմանին ստեղծել «ապահովական գոտի», ինչն իրենից ենթադրում է թուրքական կանոնավոր բանակի ներխուժում Սիրիայի պետական տարածք: Ավելին, թուրքական մամուլում արդեն իսկ շրջանառվում է թուրքական գլխավոր շտաբի կողմից ստեղծված քարտեզը, որտեղ պետք է տեղակայվեն թուրք զինվորները:
Այսպես կոչված «ապահովական ուժերի» տեղակայման հատվածում է ընկնում նաև հայաբնակ Քեսաբ շրջանը, որտեղ թուրքական կանոնավոր բանակի տեղակայումը հղի է անկանխատեսելի հետևանքներով այնտեղ ապրող հայերի համար:
Սոցիալ Դեմոկրատ Հնչակյան կուսակցության Հայաստանի վարչությունը պահանջում է Հայաստանի իշխանություններից՝ ի մասնավորի արտաքին քաղաքական գերատեսչությունից, դատապարտել պաշտոնական Անկարայի այս ոտնձգությունը, ինչպես նաև բարձրաձայնել հայաբնակ Քեսաբ թուրքական ներխուժման վտանգի մասին միջազգային ատյաններում:
Քեսաբում թեկուզ մեկ թուրք զինվորի ներկայությունը հղի է Թուրքիայի կողմից հայության շրջանում ջարդերի, ինչպես նաև տեղահանման վտանգով:
Կարդացեք նաև
ՍԴՀԿ Հայաստանի վարչության փոխատենապետ Վազգեն Մեսրոպյան
