Ռուսաստանը կարող է մի քանի տարի դիմակայել Ուկրաինայի հակամարտության պատճառով իր նկատմամբ կիրառված Եվրամիության պատժամիջոցներին, այդ եզրակացությանն են եկել Գերմանիայի հետախուզական ծառայությունները, գրում է «Deutsche Welle»-ը` հղում անելով «Bild am Sonntag» թերթին:
Ըստ գերմանական հետախուզական «BND» ծառայության, այս պահին Ռուսաստանի դրամական պահուստները կազմում են 619 միլիարդ դոլար, որը այս տարվա պետական ծախսերի 162%-ն է: Արդյունքում Ռուսաստանը միայն այդ միջոցների շնորհիվ կարող է 20 ամիս գոյատևել: Հետախուզական ծառայությունից նշում են, որ Ռուսաստանի արտաքին պարտքի ցածր ցուցանիշի և նման պահուստների շնորհիվ, Ռուսաստանը կարող է 4 տարի դիմակայել ֆինանսական ճգնաժամը՝ առանց դեֆոլտ հայտարարելու:
«Reuters»-ը գրում է, որ մինչ այս համարվում էր, որ Ռուսաստանի դրամական պահուստները 455 միլիարդ դոլար է կազմում:
Պատրաստեց Հովհաննես ԻՇԽԱՆՅԱՆԸ
