ՀՀ տրանսպորտի և կապի նախարարության լրատվական ծառայությունը հաղորդում է, որ հոկտեմբերի 20–ին` ժամը 12.00-ի դրությամբ, Վայքի, Սիսիանի, Գորիսի և Կապանի տարածաշրջաններում ձյունը շարունակվում է: Վայք-Սարավան և Գորիս-Սիսիան ավտոճանապարհների մերկասառույցը մշակված ու մաքրված է:Միջպետական և հանրապետական նշանակության ավտոճանապարհները բաց են:
Արտակարգ իրավիճակների նախարարության տեղեկացմամբ՝ հոկտեմբերի 21-ի գիշերը Արարատյան դաշտում օդում հնարավոր է ջերմաստիճանի անկում մինչև 00 C, հողի մակերևույթին -1…-20C ցուրտ:
Հոկտեմբերի 21-ին հանրապետության ողջ տարածքում սպասվում է առանց տեղումների եղանակ: Քամին` հյուսիս-արևելյան 5-10 մ/վրկ: Օդի ջերմաստիճանը 21-ի գիշերը կնվազի 2-4 աստիճանով, ցերեկը նույնքան կբարձրանա :
