ՀԱԿ խմբակցության ղեկավար Լեւոն Զուրաբյանը եռյակի հանրահավաքում հայտարարել էր, որ իրենք չեն ցանկանում ցնցումներ, ուստի իշխանությանը մի քանի օր ժամանակ են տալիս՝ իշխանությունը խաղաղ ճանապարհով փոխանցելու. «Եթե իշխանությունները համառեն եւ չհամաձայնեն այս ուղով շարժվել, մեր մյուս հանրահավաքը, որը շատ ավելի մարդաշատ է լինելու, միայն մեկ նպատակ պիտի հետապնդի՝ համազգային քաղաքացիական անհնազանդության ալիքով քշել այս իշխանություններին իրենց սիրած ջհանդամի ծոցը»:
Aravot.am-ի հետ զրույցում ՀՀԿ խմբակցության ղեկավար Վահրամ Բաղդասարյանը եռյակին հարցրեց՝ մեզ տված ժամանակը չլրացա՞վ իշխանափոխության. «Մենք աշխատում ենք, առաջարկություն իրենց անելու ժամանակ չունենք: Մեր դռները բաց են: Կարող են գալ, քննարկել: Իրենց տված ժամկետի հաջորդ օրն էլ կարող ենք զրուցել, ես իմ կաբինետում կլինեմ»:
Մեր հարցին՝ դուք պատրա՞ստ եք որոշակի լծակներ տալ ընդդիմությանը՝ Վահրամ Բաղդասարյանը պատասխանեց. «Բացարձակապես նման տրամադրություն չկա, ի՞նչ են ուզում իրենք: Իրենք ոչինչ չեն ուզում, ասում են՝ դուք գնացեք, մենք գանք: Իսկ իշխանափոխությունը մենք ենք անում՝ Սահմանադրական փոփոխություններով: Դա է իշխանափոխությունը»:
Կարդացեք նաև
Հռիփսիմե ՋԵԲԵՋՅԱՆ
