«Իմ սրտի մայրաքաղաք՝ Երևան». հոկտեմբերի 17-ին այս խորագրով համերգային ծրագիր էին կազմակերպել Հայաստանի երիտասարդական հիմնադրամը, Երևանի Վ. Բրյուսովի անվան պետական լեզվահասարակագիտական համալսարանի և Երևանի Կոմիտասի անվան պետական կոնսերվատորիայի ուսանողական խորհուրդները։ Այն նվիրված էր քաղաքամայր Երևանի տարեդարձին։
Համերգային ծրագրի ընթացքում հնչեցին սիրված երգեր Երևանի մասին` լեզվահասարակագիտական համալսարանի և կոնսերվատորիայի շնորհաշատ ուսանողների շուրթերից:
Ուսանողները նշում էին, որ երևանյան տոնին նվիրված այս համերգի միջոցով փորձում են երիտասարդների շրջանում տարածել մայրաքաղաքի մասին գրված հին ու նոր երգերը, սերմանել սեր քաղաքի ու քաղաքային մշակույթի նկատմամբ։ Հետագայում համերգային այս ծրագիրը կներկայացվի նաև այլ բուհերում։
Հայաստանի երիտասարդական հիմնադրամի
հասարակայնության հետ կապերի ծառայություն
