«Հայաստանի Հանրապետության գործող Սահմանադրությունը ի սկզբանե չի առաջացել ո’չ ժողովրդի քվեին եւ ո’չ էլ հավանությանը»,- այսօր` հոկտեմբերի 17-ին, «Նոյյան տապան» մամլո սրահում լրագրողների հետ հանդիպման ընթացքում հայտարարեց «Հայկական սոցիալական հեղափոխության ճակատ» նախաձեռնության նախագահ Իշխան Թովմասյանը:
Նա նշեց, որ Սահմանադրության վերաբերյալ իրենց առաջարկությունները եւ դիտողությունները պատրաստվում են ներկայացնել Սահմանադրական բարեփոխումների հանձնաժողով:
Պարոն Թովմասյանը համարում է, որ առաջին եւ երկրորդ նախագահների թողած ժառանգության պատճառով է սահմանադրական բարեփոխումներ կատարելու անհրաժեշտություն առաջացել. «Գնում են սահմանադրական բարեփոխումների, որպեսզի ժողովրդի աջակցությամբ կարողանան ժողովրդին եւ հանրապետությանը դուրս բերել ստեղծված իրավիճակից»:
Ամի ՉԻՉԱԿՅԱՆ
Կարդացեք նաև
