«Հայաստանի սոցիալիստական ճակատ» նախաձեռնության անդամները եւ նրանց համախոհները ոչ միայն ցանկանում, այլեւ առաջարկում են, որպեսզի բարեփոխված Սահմանադրությունում հոդվածները ամրագրված լինեն այնպես, որ ցանկացած քաղաքացի ամեն մի հոդվածն ընթերցելիս ոչ միայն հստակ հասկանա միտքն ու բովանդակությունը, այլ նաեւ զգա իր դերը»,- այսօր` հոկտեմբերի 17-ին, «Նոյյան տապան» մամլո սրահում լրագրողների հետ հանդիպման ընթացքում հայտարարեց «Հայկական սոցիալական հեղափոխության ճակատ» նախաձեռնության անդամ Ժոզեֆինա Գասպարյանը:
Նրա խոսքերով` պարտադիր չէ, որ բարեփոխված Սահմանադրությունում բոլոր հոդվածները հարմարեցվեն միջազգային չափանիշներին կամ էլ արժանանան Վենետիկի հանձնաժողովի հավանությանը: Նա նշեց, որ իրենց նախաձեռնությունը առաջարկում է վերականգնել վարչական շրջանների ընտրության հետ կապված նախկին օրենքները, ընտրական գրավը համապատասխանեցնել նվազագույն սպառողական զամբյուղին:
«Ընտրությունները պետք է անցկացնել հարյուր տոկոս համամասնականով, իսկ եթե ինչ-ինչ պատճառներով դա հնարավոր չէ, ապա պետք է ընտրված համարվի այն պատգամավորը, որի օգտին կողմ են քվեարկել ընտրացուցակում ամրագրված ընտրողների ¼-ը: Ավելին` պետք է ընդունել պատգամավորներին հետ կանչելու մասին օրենք` սահմանելով հետ կանչման համար համապատասխան տոկոսային թվաքանակի ցուցանիշ»,- ասաց նա:
«Հայկական սոցիալական հեղափոխության ճակատ» նախաձեռնությունը առաջարկում է նաեւ իշխանավորներին հրաժարվել միջազգային այն բոլոր պայմանագրերի ստորագրումից, որտեղ կան կետեր, որ խեղաթյուրում եւ ոտնահարում են հայ ազգի արժեքները եւ սովորույթները.
«Գործող Սահմանադրությունը ոչ թե բարեփոխման կարիք ունի, այլ պետք է արմատական փոփոխություն կատարել: Հնարավորինս մեկ օր շուտ նախաձեռնել եւ անցկացնել հանրաքվե»:
Ամի ՉԻՉԱԿՅԱՆ
