Երբ Արծվիկ Մինասյանին հարցրեցինք, թե առաջին հայացքից ինչպիսի՞ տպավորություն է սահմանադրական հայեցակարգից, պատգամավորը պատասխանեց. «Կարծում եմ, զուտ կառուցվածքի եւ խնդիրների բացահայտման տեսակետից լավ, մանրամասն մշակված է։ Բայց նաեւ կառուցվածքային առումով ավելի շատ շեշտադրում պետք է լինի առկա խնդիրների առարկայական ներկայացմանը, որպեսզի քաղաքացիները ըմբռնեն, թե ինչո՞ւ են անհրաժեշտ փոփոխությունները»։
– Իսկ հնարավոր համարո՞ւմ եք, որ եռյակի հանրահավաքների միջոցով հանրաքվեն տապալվի։
– Ես դժվարանում եմ պատկերացնել այդպիսի իրավիճակ, որպեսզի տապալվի, անհրաժեշտ է, որ խորամուխ լինեն բովանդակության մեջ։ Եթե չեն խորանում, միայն հայտարարում են, որ իշխանությունը նպատակ ունի այսպիսի բան անելու, թույլ փաստարկ է։ Նրանք պետք է հանդես գան հակառակ փաստարկներով։ Եթե չկա այդպիսի ձեւակերպում, ինչի՞ հիման վրա պետք է տապալվի։ Հանրաքվեի տապալումը, իմ կարծիքով, որեւէ հանրային հիմք չի կարող ունենալ։ Նրանք հանրությանը, ի վերջո, պետք է բացատրեն, թե ինչու են դեմ։ Քանի դեռ գաղափարական, փաստարկված ծրագրային հիմք չկա սահմանադրական փոփոխություններին դեմ հանդես գալու, շատ դժվար է լինելու այդ ուժերին տապալել հանրաքվեն։
Լուսինե ԲԱՐՍԵՂՅԱՆ
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
