«Եվրասիական տնտեսական նոր հարաբերությունները կբերեն Հայաստանում արտադրության ընդլայնման ու արդիականացման, կձեւավորվի տնտեսական գոտի, որտեղ զրոյացված կլինեն մաքսային վճարները: Էներգակիրները, այդ թվում վառելիքը կներկվի հատուկ շուկայականից ցածր գներով»,- այսօր Համաշխարհային հայկական կոնգրեսի և Ռուսաստանի հայերի միության նախաձեռնած «Եվրասիական տնտեսական միությանը Հայաստանի անդամակցության տնտեսական հեռանկարները» խորագրով համաժողովի ժամանակ ասաց դեմոկրատական կուսակցության առաջնորդ Արամ Սարգսյանը:
Նա մեջբերեց եվրասիական զարգացման բանկի ուսումնասիրությունը՝ ԵՏՄ-ին Հայաստանի անդամակցության օգուտները պարզելու վերաբերյալ: Ըստ այդ ուսումնասիրության, Հայաստանը միայն գազի ցածր գնի՝ 185 դոլար եւ մաքսավճարի զրոյացման պարագայում տարեկան կտնտեսի 140 միլիոն դոլար, իսկ ՀՆԱ-ի արտադրանքի ցուցանիշը կավելանա մինչեւ 4,5 %: Պարոն Սարգսյանի համոզմամբ, սոցիալտնտեսական նոր քաղաքականությունը կխթանի տեղական արտադրությանը, ինչը կբերի նոր աշխատատեղեր ու կկրճատի արտագաղթը, կավելանան ներդրումները: Ռուսական երկաթուղի ընկերությունն էլ մտադրվել է հայկական երկաթգծի արդիականացման համար ներդնել 500 միլիոն դոլար:
Քաղաքացիներից մեկն էլ հետաքրքրվեց, այդ պարտքի մեջ մտնելով (նկատի ունի ԵՏՄ-ի անդամակցությունը) նույն խնդիրները չե՞ն լինելու ներմուծման ու արտահանման ժամանակ,քանի որ չունենք ընդհանուր սահման, այդ երկրների հետ: Քաղաքացին մտահոգություն հայտնեց, որ ներմուծվող ապրանքների գները կրկնապատկվելու են: Նա նաեւ հիշեցրեց, որ երկու օր առաջ էլ մեծ-մեծ գումարներով Ռուսաստանը զենք վաճառեց Ադրբեջանին:
Տնտեսագետ Թաթուլ Մանասերյանն էլ վստահեցրեց, որ գազի համար վճարողներն իրավունք ունեն նման հարցեր բարձրացնել. «Տեղին է ու ժամանակավրեպ չէ այդ հարցը բարձրացնել, գնի մեջ ի՞նչ է ներմուծվում»:
Կարդացեք նաև
Տնտեսագետ Վարդան Բոստանջյանն էլ դժգոհեց, որ այդպես էլ թափանցիկ տեղեկատվություն չստացավ գազի սակագնի վերաբերյալ.«Թե ինչպես է 179 դոլարը դառնում 400 դոլար: Արեք դրա մասին խոսենք: Եվրասիական տնտեսական միությանը միանալու մասին Արամ Գասպարյանը բազմաթիվ բաներ ասաց, բայց չասաց, որ դա նաեւ վերահսկողություն է, որ հանկարծակի տեղական իշխանությունները իրենց համար գներ չսահմանեն: Դա բիզնես է ու ոչ մի կանոնի մեջ չի տեղավորվում: Եվ մենք՝ հարկատուներս, իրավունք ունենք ասել՝ բացատրեք մեզ, միգուցե լավ չենք հասկանում»:
Արփինե ՍԻՄՈՆՅԱՆ
