«Հաշվի առնելով սահմանների պաշտպանվածությունը՝ ծախսերը լավ է, թե վատ՝ մենք մեր խնդիրները կատարել ենք, և խնդիրների առկայության դեպքում կարելի է մտածել՝ մի քիչ ավելացնե՞լ, թե՞ պակասեցնել: Օգոստոսյան դեպքերը ցույց տվեցին, որ ՀՀ պաշտպանության նախարարությունն ունակ է՝ իր առջև դրված խնդիրները լուծելու և դեռ մի բան էլ ավելի, բայց դրա հետ մեկտեղ էլ՝ մի քանի դասեր քաղեցին, թե որոնք են մեր բացերը, որ սահմանին կան ազատ վայրեր, որտեղ պարզվում է՝ դիվերսիոն խմբեր են կարողանում անցնել, որտեղ կան ինչ-որ հարցեր, որոնց համար անհրաժեշտ են տարբեր սարքավորումներ»,- այսօր լրագրողների հետ զրույցում ասաց «Ժառանգություն» խմբակցության պատգամավոր, ՀՀ ԱԺ պաշտպանության, ազգային անվտանգության և ներքին գործերի մշտական հանձնաժողովի անդամ Թևան Պողոսյանը`պատասխանելով հարցին` որքանո՞վ են օպտիմալ ծախսվում պաշտպանության ոլորտին հատկացված գումարները:
Ըստ նրա, հենց այդ ժամանակ էլ հասկանալի դարձավ, որ ավելի լավ է շատ ծախսեր անել տեխնիկական խնդիրների վրա. «Քան թե հարցերը լուծել՝ չասեմ պապական եղանակներով, այլ բուն կլասիկ մեթոդներով: Այսինքն՝ հասկացանք, որ ծախսեր անելով տեխնիկական ոլորտում, միգուցե մենք կարող ենք ավել մեկ կյանք փրկել, որն ավելի կարևոր է»:
Նելլի ԳՐԻԳՈՐՅԱՆ
