«Այդ օրակարգը չի քննարկվել»,-Aravot.am-ի հարցին՝ արդյոք քննարկվե՞լ է «Ժառանգություն» խմբակցության պատգամավոր Զարուհի Փոստանջյանի՝ միացյալ հարթակի օրակարգը, այսպես պատասխանեց «Ժառանգություն» կուսակցության նախագահ Րաֆֆի Հովհաննիսյանը:
Ինչպես արդեն տեղեկացրել ենք, Զարուհի Փոստանջյանը, մտահոգված այն փաստից, որ եռյակն այդպես էլ օրակարգ չձևավորեց, որոշել է ինքը եռյակին թելադրել օրակարգ: Այն բաղկացած է 8 կետերից, որոնք գլխավորում է «Սերժ Սարգսյանին պաշտոնանկ անելու գործընթացը»: Երկրորդ կետով սահմանվում է, որ «ԲՀԿ-ն պետք է հայտարարի, որ ճանաչում է Սերժ Սարգսյանին և Ռոբերտ Քոչարյանին որպես հանցագործների և հետամուտ լինի նրանց քրեական հետապնդմանն ու դատավճռով ազատազրկմանը»:
Զարուհի Փոստանջյանը եռյակից պահանջում է նաև հասնել նրան, որ ապօրինի սեփականաշնորհված և ձեռք բերված գույքը վերադարձվի պետությանը, ՀՀԿ-ում, ԲՀԿ-ում և Սերժ Սարգսյանի ու Ռոբերտ Քոչարյանի մերձավոր օլիգարխների ձեռք բերած ունեցվածքը վերադարձվի պետությանը, պահանջներից մեկն էլ արտահերթ խորհրդարանական և նախագահական ընտրությունների անցկացումն է:
Րաֆֆի Հովհաննիսյանից հետաքրքրվեցինք՝ ինչու՞ չի քննարկվել այս օրակարգը, «Ժառանգության» ղեկավարը պատասխանեց. «Ինքը դա տարածել է ԶԼՄ-ներին՝ որպես իր առաջարկ: Այն չի քննարկվել, դա իր առաջարկությունն է հանրությանը, եթե պետք լինի, կքննարկենք»:
Կարդացեք նաև
Տաթև ՀԱՐՈՒԹՅՈՒՆՅԱՆ
<> կուսակցության ներկայացուցիչ Զարուհի Փոստանջյանը եռյակի առաջ շատ ճիշտ պահանջ է դնում`հասնել այն բանին,որ եռյակը ապօրինի սեփականաշնորհված գույքի պետությանը վերադարձնելու համար պայքարի:Խորհրդային ժամանակներում պետության ունեցվածքը համարվում էր համաժողովրդական սեփականություն:Համաժողովրդական սեփականություն հանդիսացող պետական ունեցվածքը,որ ստեղծվել էր ժողովրդի արդար աշխատանքի շնորհիվ,սեփականաշնորհման անվան տակ թալանվեց:Պետության ունեցվածքին տեր դարձան մարդիք,որոնց գրպանում անգամ սուրճ խմելու փող չկար,ուր մնաց թե նրանք կարող էին սեփականացված ձեռնարկությունները աշխատացնեին,այն էլ այն դեպքում,որ պետականօրեն հայտարարվեց,որ պետությունը սեփականաշնորհված ձեռնարկությունները աշխատեցնելու համար ֆինանսներ չի կարող հատկացնել:Թալանչիները իրենց գոյությունը քարշ տալու համար հարյուրավոր գործարանների սարքավորումները մետաղի ջարդոնի գնով վաճառքի հանեցին:Չկա աշխատող գործարան`կա գործազրկություն,որն էլ ծնեց բնակչության հոսք արտասահման:Սա կշարունակվի այնքան ժամանակ,մինչև իշխանությունները չմտածեն գոյություն ունեցող,բայց ապաշնորհ մարդկանց ձեռքն անցած արտադրական ձեռնարկությունների աշխատեցման համար նոր ուղի փնտրել:Իմ կարծիքով ճիշտ կլիներ,որ պետությունը սեփականաշնորհված և աշխատող ձեռնարկությունների տերերի վրա դներ սեփականաշնորհված,կամ,ավելի ճիշտ`թալանված ձեռնարկությունների իրական արժեքի հատուցման հարկ,մինչև իրական արժեքի մարում:Այս հարցի վրա կցանկանայի կենտրոնանար Զարուհի Փոստանջյանը:Թալանչիները պետք է հատուցեն թալանի համար:
Զարուհի*…Ո*վ ասի*, ԲՀԿ-ն:Զարուհի, Զարուհի,ի*նչ ես ասում, Զարուհի…