Ադրբեջանը ցանկանում է, որ ղարաբաղյան հակամարտության շուրջ ցանկացած հայ-ադրբեջանական հանդիպում արդյունավետ լինի, որպեսզի գործընթացը տեղից շարժվի, ասել է Ադրբեջանի արտաքին գործերի նախարար Էլմար Մամեդյարովը՝ մեկնաբանելով երկու երկրների նախագահների միջև սպասվող հանդիպումը, փոխանցում է «Հաքքին.ազ»-ը:
Նրա խոսքերով, Ադրբեջանը պատրաստ է սկսել Խաղաղության մեծ ծրագրի համար պահանջվող աշխատանքները:
Նախարարի ասելով, զորքերի դուրս բերման, փախստականների վերադարձման, տրանսպորտի և ենթակառուցվածքների հարցով մասնագետներից կազմված աշխատանքային խմբեր ստեղծելու մի շարք առաջարկություններ են եղել, գրում է լրատվականը:
«Ադրբեջանը պատրաստ է մասնագետների մակարդակով այդպիսի բանակցություններ սկսել: Մենք սպասում ենք հայկական կողմի պատասխանին», – ասել է Մամեդյարովը հոկտեմբերի 15-ին կայացած ճեպազրույցի ժամանակ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
