Հատված ՀԱԿ արտաքին հարաբերությունների հանձնաժողովի նախագահ Վլադիմիր Կարապետյանի հարցազրույցից:
– Պարոն Կարապետյան, Ձեր կարծիքով, ի՞նչ է թաքցնում իշխանությունը Հայաստանի՝ ԵՏՄ անդամակցության մասով։ Մամուլն արդեն քանի օր է՝ գրում է այն մասին, որ Հայաստանն ինչ-ինչ զիջումների հաշվին է ստորագրել այդ պայմանագիրը, մինչդեռ պաշտոնական Երեւանը հայտարարում է, որ այս պահին պարզաբանումներ տալ չի կարող։
– Դա բնորոշ է պաշտոնական Երեւանին։ Առաջիկայում Ղազախստանի նախագահ Նուրսուլթան Նազարբաեւի մատնանշած փոխզիջումը հայտնի կդառնա հասարակությանը։ Հիմա Սերժ Սարգսյանը ոչ մի դեպքում պատրաստ չէ խոսել այդ մասին։ Բացի նրանից, կան 1-2 անձեր, ովքեր տեղյակ են Մինսկում կայացած գործարքի մասին։
Ինչ վերաբերում է բուն պայմանագրին, ապա ավելի մասնագիտական վերլուծություն կարող են անել տնտեսագետները։ Կարծում եմ՝ Հայաստանի եւ Լեռնային Ղարաբաղի միջեւ մաքսակետ տեղադրելը եղել է պարտադրանք, պահանջ։ Դա քաղաքական հարթությունում է, եւ եթե իշխանություններն ամուր լինեն ու կարողանան պաշտպանել մեր շահերը, որեւէ խնդիր չի առաջանա, որեւէ մեկը մեզ պահանջներ չի կարող ներկայացնել։
Գոհար ՎԵԶԻՐՅԱՆ
Կարդացեք նաև
Հարցազրույցն ամբողջությամբ կարող եք կարդալ «Չորրորդ իշխանություն» թերթի այսօրվա համարում
