Հայաստանի իշխանությունները պնդում են, որ Եվրասիական միությանը Հայաստանի անդամակցության բանակցություններում Ղարաբաղի հետ սահմանին մաքսակետի հարց չի քննարկվել: Այդ դեպքում Հայաստանի սահմանների վերաբերյալ ի՞նչ կոմպրոմիսի մասին է խոսում Ղազախստանի նախագահ Նուրսուլթան Նազարբաևը, որը Մինսկում Հայաստանի անդամակցության պայմանագրի ստորագրումից հետո հայտարարել էր, որ Հայաստանի սահմանների հարցում եկել են կոմպրոմիսի:
Հայաստանի իշխանությունները գաղտնի են պահում այս կոմպրոմիսը, այն դեպքում, երբ խոսքը վերաբերում է Հայաստանի սահմաններին՝ Հայաստանի պետական սահմաններին, ասել է թե` Հայաստանի անվտանգությանը, Հայաստանի պետականությանը: Այլ կերպ ասած` խոսքը, ըստ էության, սահմանների հանդեպ ոտնձգության մի տարբերակի մասին է, և բոլորովին պարտադիր չէ, որ այդ ոտնձգությունը լինի ինչ-որ սահմանախախտման դեպքի տեսքով, ինչ-որ սահմանախախտ քուրդ կամ թուրք չոբանի միջոցով:
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
Կարդացեք նաև
