Կենտրոն եւ Նորք-Մարաշ վարչական շրջանների ընդհանուր իրավասության դատարանի դատական կարգադրիչների պատասխանատու Արթուր Փիլոսյանն առաջարկում է՝ որպեսզի քրեակատարողական եւ այլ հիմնարկներից Կենտրոնի դատարան ամբաստանյալներ բերող հատուկ մեքենաները չընկնեն վթարային իրավիճակների տակ՝ ծանրաբեռնված երթեւեկության պատճառով, դեպի դատարան մուտք ու ելք անող մեքենաների համար դատարանի դիմաց՝ փողոցի հանդիպակաց հատվածում, տեղադրվեն լուսացույցներ: Ըստ նրա՝ այս դեպքում դատարան մուտք ու ելքը կլինի անվտանգ: Ի դեպ, հայաստանյան գրեթե բոլոր դատարաններում այդ հարցը կարգավորված է:
Կենտրոն եւ Նորք-Մարաշ դատարանը գտնվում է Տիգրան Մեծի պողոտայի 23/1 հասցեում, եւ քաղաքի ամենածանրաբեռնված դատարաններից մեկն է, որտեղ լսվում են բազմաթիվ քրեական եւ քաղաքացիական գործեր:
Լուսանկարը՝ ՌՈՒԶԱՆ ՄԻՆԱՍՅԱՆԻ
«Առավոտ» օրաթերթ
14.10.2014
