Նախկին պատգամավոր, ԵՊՀ դասախոս Վարդան Խաչատրյանն այդպես էլ չի հասկացել եռյակի պահանջները:
«Շատ դժվար է հասկանալ՝ ի՞նչ էր եռյակը միասնական պահանջում: Մենք չունենք եռյակի միասնական պահանջի առումով որևէ պատկերացում, քանի որ միասնական պահանջ չկար: Հաջորդ հանրահավաքը, որը հոկտեմբերի քսանչորսին է նախատեսված, նույնպես հասկանալի չէ, թե ինչի՞ համար է լինելու»,- այսօր «Անալիտիկ» ակումբում ասաց նախկին պատգամավորը:
Նրա գնահատմամբ, Հայաստանի արտաքին քաղաքական իրավիճակը երբեք այսքան լարված չի եղել ու այդ պարագայում պետք է նժարի վրա դրվեին ԵՄ ասոցացման պայմանագրի ստորագրումն ու ԵՏՄ մուտք գործելու հարցը. «Բայց այդ հարցերը խորությամբ մեր քաղաքական դաշտում չքննարկվեցին, քանի որ ներքաղաքական լուրջ բևեռացում գոյություն ուներ: Արդյոք հերթական սահմանային իրավիճակի մեջ մտնելուց Հայաստանը դոմինոյի իրավիճակում չի՞ ենթարկվի»:
Ըստ նրա, Հայաստանը ԵՏՄ-ին անդամակցելով, ունի մի քանի նպատակ՝ վերականգնել տարածաշրջանում իր ազդեցությունը, վերականգնել տնտեսական գիտական և այլ կապերը. «Մենք ժամանակին այս տարածքում եղել ենք բավականին ազդեցիկ երկիր, սակայն այսօր Հայաստանի ազդեցությունը այս տարածքներում իջել է և մեզ համար շատ վատ է, երբ այսօր Ղազախստանն է ինչ-որ բաներ թելադրում»:
Կարդացեք նաև
Արփինե ՍԻՄՈՆՅԱՆ
