Փաստորեն, հանրահավաքը երկու կարեւոր օրակարգային հարց ուներ՝ սահմանադրական բարեփոխումներ եւ 12 կետի կատարողականի ամփոփում։ Այսօր արդեն կարող ենք արձանագրել, որ այս երկու հարցերից ոչ մեկը չարծարծվեց հանրահավաքում։
…ՀԱԿ խմբակցության ղեկավար Լեւոն Զուրաբյանը համաձայն չէ այն կարծիքներին, թե նախապես հռչակված գլխավոր թեմաները շրջանցվել են, եւ հիշեցրեց իր ելույթը։
ԲՀԿ-ից չէին ժխտում, որ շրջանցվել է, սակայն փորձում էին արդարացնել դա։ ԲՀԿ-ական տնտեսագետ Միքայել Մելքումյանը հիշեցրեց, որ 12 կետի վերաբերյալ Եռյակի գնահատականն արդեն տարածվել էր նախապես, եւ, բացի այդ, մարզային այցերի ժամանակ իրենք խոսել էին այդ թեմաներից, բայց Մելքումյանը հուսադրում է. «Գործընթացը շարունակվում է, սա ընթացքում խոսվելու է։ Այս գործընթացը դեռ չի վերջացել, համարեք, որ գործընթացը սկսվել ու շարունակվելու ա, այսքանը»։
«Ժառանգության» փոխնախագահ Արմեն Մարտիրոսյանը բավարար համարեց
անդրադարձը նշված հարցերին։ 12 կետի մասով Մարտիրոսյանը կրկնեց Մելքումյանին՝ նախօրոք տարածել էին իրենց տեսակետը, «էլ դրա հետ կապված առանձնահատուկ խոսելու թեմա չկար»։ Սահմանադրական բարեփոխումների թեմայի մասով էլ հավելեց. «Դե, ինչքանով որ խոսվեց, դրանից ավել չարժեր էլ, որովհետեւ կարիք չկար»։ Բայց չէ՞ որ հենց դա էր հանրահավաքի խնդրո առարկան, եւ այդ պատճառով ՀՅԴ-ն չմասնակցեց հանրահավաքին։ «Էդ հարցը դաշնակցականներին տվեք, թե ինչի չեկան»։ Փորձեց հավաստիացնել, որ թեմատիկ առումով սցենար չի փոխվել՝ այնպես էր, ինչպես նախատեսված էր։
Գայանե ՍԱՐԻԲԵԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Կարդացեք նաև
