«Այնպիսի տպավորություն է` կարծես ես «Կամազի» ղեկին նստած լինեի, կամ ես Հրաչյային բանտ նստացրած լինեի»,-այսօր լրագրողների հետ հանդիպմանը խոսելով հայազգի վարորդ Հրաչյա Հարությունյանի գործի մասին՝ այսպիսի կարծիք հայտնեց Ռուսաստանի հայերի միության նախագահ Արա Աբրահամյանը:
Ինչպես տեղեկացրել էինք, Մոսկվայի Տրոիցկի դատարանը մեղավոր էր ճանաչել վարորդ Հրաչյա Հարությունյանին, որը Պոդոլսկի մոտակայքում բեռնատարով բախվել էր ավտոբուսին, ինչի հետևանքով 18 մարդ էր մահացել:
Արա Աբրահամյանը հիշեցնելով Հրաչյային խալաթ հագցնելու պատմությունն՝ ասաց. «Եթե այդ րոպեին ես այնտեղ չլինեի, դա կարող էր ամբողջ հայության դեմ մեծ ալիք լիներ: Դուք պատկերացնո՞ւմ եք՝ ինչ բան է Ռուսաստանի կենտրոնական ալիքը, մենք կարողացանք այդ ալիքով երկու հաղորդում պատրաստել այդ թեմայով, գնացինք մեկուսարան, տեսանք Հրաչյային, մեր կողմից ամենալավ փաստաբաններին վճարեցինք, ինչ հնարավորություն ունեինք՝ օգտագործեցինք: Ի վերջո, բոլորդ իմանաք, ես պարտավոր չեմ: Իմ և Ռուսաստանի հայերի միության պարտավորությունների մեջ չի մտնում դա, ես դա արել եմ որպես հայրենասեր հայ մարդ»:
Պարոն Աբրահամյանը տեղեկացրեց, թե «մենք այն քննիչին, ով Հրաչյային խալաթ էր հագցրել, մենք պատժեցինք ու օրգանից հեռացրինք»:
Կարդացեք նաև
Արա Աբրահամյանն ասաց, թե՝ «Ոչ ոք չի ուզում, որ Հրաչյան մնա բանտում, և իրենք նման հազարավոր գործերի հետ են առնչվում»:
Տաթև ՀԱՐՈՒԹՅՈՒՆՅԱՆ
Ռուսաստանի հայեր = քաղաքական պատանդներ Պուտինի ձեռքին: Անատամ քծնողների շարան:
Այդպիսի մտքերը թող որ ուրիշներն ասեն: Դու քննարկիր քո մասշտաբի խնդիրները: Ռուսաստանի հայության ամենամեծ խնդիրը ուծացումն է: Երկու երեք սերունդ հետո կմնան միայն ազգանունները: