«Էրեբունի-Երևան» տոնակատարությունների արդեն ավանդական դարձած ծրագրով Մաշտոցի պողոտա-Բուզանդի փողոց խաչմերուկում կեսօրից հնչել է ազգային երաժշտություն:
Վարչական շրջանների մշակույթի կենտրոնների, երաժշտական դպրոցների սաների մասնակցությամբ մեկնարկած համերգային ծրագիրը մայրաքաղաքի ծննդյան օրը համախմբել է տասնյակ երևանցիների:
Երեկոյան ժամը 19-ից ազգային ժողովրդական բեմահարթակը տրամադրվեց «Սասուն», «Վերադարձ» և «Մարաթուկ» ազգագրական երգի-պարի համույթներին:
Իսկ Երեւանի մեկ այլ անկյունում՝ Ազատության հրապարակում, ժամը 17։00-ից ազգային յուրօրինակ շուրջպար էր։ Այստեղ «Կարին» երգի ու պարի ազգագրական համույթը Գագիկ Գինոսյանի ղեկավարությամբ շուրջպարի էր հրավիրում բոլոր ներկաներին։ Համույթի ղեկավարը և անդամները նախ ցույց էին տալիս, ուսուցանում ինչպես կատարել շարժումները, ապա ներկաներին ներգրավում շուրջպարում։ Շուրջպարերը գլխավորում էին համույթի պարողները։
Կարդացեք նաև
Մասնակից քաղաքացիներից շատերը նշել են, որ նման միջոցառման մասնակցում են առաջին անգամ և ակնկալում են, որ քաղաքային միջոցառումներում այսօրինակ շուրջպարը ավանդաբար տեղ կգտնի։
Երեւանի քաղաքապետարան
