«Էրեբունի-Երևան 2796» տոնակատարությունների շրջանակում մայրաքաղաքի շուրջ 28 բեմերում շարունակվում են տոնական միջոցառումները: Որոշ բեմերում ընթացող միջոցառումներին հետևել է նաև Երևանի քաղաքապետ Տարոն Մարգարյանը: Շնորհավորելով բնակիչներին Երևանի օրվա կապակցությամբ, քաղաքապետն օրը խորհրդանշող շարֆեր է նվիրել փոքրիկ երևանցիներին: Մայրաքաղաքի բնակիչներն ու հյուրերն իրենց հերթին փոխադարձաբար շնորհավորել են Տարոն Մարգարյանին եւ վստահեցրել, որ տոնն իսկապես կայացած է, ինչի համար շնորհակալություն են հայտնել անձամբ քաղաքապետին ու քաղաքապետարանի անձնակազմին:
Երեւանի քաղաքապետարան
