Ըստ Ստյոպա Սաֆարյանի՝ Բարգավաճ Հայաստանը 2018-ին ցանկանում է ունենալ իր նախագահը
Միջազգային անվտանգության հարցերի հայկական ինստիտուտի հիմնադիր ղեկավար Ստյոպա Սաֆարյանը այսօր լրագրողների հետ հանդիպմանը երեկվա եռյակի հանրահավաքին անդրադառնալով, նշեց, որ Բարգավաճ Հայաստանը փորձում է իր կապիտալը օգտագործել՝ իր մտադրությունները կյանքի կոչելու համար. «Շատ մեծ ապացույցներ պետք չի ներկայացնել, որ այս քաղաքական հոսանքում ամենավճռորոշ եւ դոմինանտ ֆակտորը «Բարգավաճ Հայաստանն» է՝ թե՛ ֆինանսական, թե՛ կազմակերպական առումներով»։
Ստյոպա Սաֆարյանի խոսքով, Գագիկ Ծառուկյանը, իր այն հայտարարությամբ, որ կարող է ինքը նախագահի թեկնածու դառնալ, ապացուցեց իրենց քաղաքական ուժի մեծ ամբիցիաների մասին. «Ընդդիմության քաղաքական այս գործընթացը ուղղված է 2017-2018 ընտրություններին, եւ այս ասելով ես նկատի ունեմ, որ Բարգավաճ Հայաստանը ցանկանում է ունենալ իր նախագահը, կազմել կոալիցիա։ Ի տարբերություն ՀԱԿ-ի եւ Ժառանգության, որոնք արտահերթ զարգացումների պատրաստ են, ապա նույնը չի կարող խոսել «Բարգավաճ Հայաստան» կուսակցության մասին»։
Էլյա ՀՈՎՀԱՆՆԻՍՅԱՆ
Կարդացեք նաև
