ՀԱԿ-ԲՀԿ-«Ժառանգություն» եռյակի այնքան «գովազդված» հանրահավաքը երեկ տեղի ունեցավ ու ավարտվեց երթով:
Իսկ թե ե՞րբ կլինի հաջորդ հանրահավաքը, եռյակի ղեկավարները կորոշեն եւ կասեն, առավել եւս, որ ՀԱԿ առաջնորդ Լեւոն Տեր-Պետրոսյանը, հընթացս սահմանելով, որ եռյակ-քառյակը այլեւս համաժողովրդական շարժում է, իրեն բնորոշ՝ առարկություն չհանդուրժող տոնայնությամբ հայտարարեց. «Քառյակի ղեկավարությունն է սահմանում շարժման ընթացքի արագությունը եւ հանրային միջոցառումների ժամանակացույցը: Ուստի ձեզանից ակնկալվում է լիովին վստահել քառյակին եւ ըմբռնումով մոտենալ նրա կայացրած որոշումներին»:
Ըստ կազմակերպիչներին հարող շրջանակների, շուրջ երկու տասնյակ հազար մարդ էր երեկ եկել Ազատության հրապարակ, թեպետ այլ դիտորդներ խոսում էին 15 հազար մասնակցի մասին: Սակայն նկատենք, որ, ասենք, միայն «Բարգավաճ Հայաստանը», ըստ ցուցակների, հարյուր հազարավոր անդամներ ունի իր շարքերում: Էլ չենք խոսում մյուս ուժերի մասին:
Ըստ որում, այսպես ասած, ճանապարհներ չեն փակվել: Եվ եթե նաեւ հիմք ընդունենք նոր ու հին հեղափոխական-իշխանափոխականների շեշտադրումները՝ հասարակության տրամադրությունների ու ընդհանուր վիճակի վերաբերյալ, ապա կարելի է ասել, որ թեպետ բազմամարդ, բայց համեստ հանրահավաք էր մասնակիցների քանակության տեսանկյունից:
Փոխարենը անհամեստ կամ «նապոլեոնական» են եռյակի լիդերների նպատակներն ու երեկ դրսեւորած քաղաքական կեցվածքը:
Տ. ՄԻՐԶՈՅԱՆ
Կարդացեք նաև
Հրապարակումն ամբողջությամբ՝ «Հայոց աշխարհ» թերթի այսօրվա համարում:
