Ողջ ուշադրությունը սեւեռելով Եվրասիական տնտեսական միությանը Հայաստանի անդամակցելու գործընթացի ընթացիկ կողմի վրա, մինչ օրս անհրաժեշտ ուշադրություն չենք դարձրել այն իրողությանը, որ նման ինտեգրացիոն տարածության մեջ ներառվելու պարագայում մեր երկիրը պետք է հաշվառի չորս անմիջական հարեւանների հնարավոր հակազդեցության ու աջակցության գործոնները, քանզի տեսանելի ապագայում դժվար է կանխատեսել նրանցից որեւէ մեկի մուտքը ԵՏՄ։
Այս առումով Հայաստանի հանդեպ թշնամաբար տրամադրված Թուրքիայի ու նրա հուշարարությամբ գործող Ադրբեջանի հակազդեցությունն արդեն իսկ զգացնել է տալիս ԵՏՄ շրջանակներում Ղազախստանի միջոցով եւ ուղղակիորեն իրականացվող խափանարարական քայլերի տեսքով։
Ռազմավարական առումով դրանք, անշուշտ, չեն կարող կասեցնել Հայաստանի մուտքը Եվրասիական տնտեսական միություն, բայց դանդաղեցնելով այդ գործընթացը, արդեն իսկ փորձում են այս ինտեգրացիոն նախագծի գլխավոր ճարտարապետ Ռուսաստանին կանգնեցնել Հայաստանի ու Ադրբեջանի միջեւ ընտրություն կատարելու երկընտրանքի առաջ։
Ստացվում է, որ Եվրասիական տնտեսական միությանը Հայաստանի անդամակցելու հեռանկարը ավելի շատ ռեբուսներ է պարունակում, քան առաջիկա 2 օրերի ընթացքում Մինսկում սպասվող ԵՏՄ երեք անդամների սկզբունքային որոշման հետ կապվող անհամբեր կանխատեսումները։
Կարդացեք նաև
Այդ ռեբուսները լուծելու համար պետք է կարողանանք ավելի լայն՝ տարածաշրջանային ընդգրկմամբ դիտարկել Եվրասիական տնտեսական միությանը Հայաստանի անդամակցության գործընթացը։
Վարդան ԳՐԻԳՈՐՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
