Ղազախ փորձագետ Դոսիմ Սապտաեւը երեկ հայտնեց, որ ղազախական կողմից որեւէ առարկություն չի նկատվում, որ հոկտեմբերի 10-ին Հայաստանի՝ ԵՏՄ-ին անդամակցելու համաձայնագիրը չստորագրվի։ «Իհարկե, որոշ տեղեկություններ հայտնվել էին, որ Ղազախստանը որոշակի կասկածներ ունի Լեռնային Ղարաբաղի սահմանների վերաբերյալ, բայց ըստ ամենայնի, այսօր արդեն բոլոր համաձայնությունները ձեռք են բերվել»,- ասաց ղազախ փորձագետը։
Ղազախստանի գործարարների ազգային պալատի տեխնիկական կանոնակարգերի վարչության պետ Սերգեյ Ռադաեւն էլ ամենայն համոզմունքով հայտնեց, որ հոկտեմբերի 10-ը կարձանագրվի՝ որպես Հայաստանի՝ ԵՏՍ-ի անդամակցության պայմանագրի ստորագրման օր։ «Այսօր բոլոր հարցերը՝ կապված տեխնիկական խնդիրների հետ, փոխհամաձայնեցված են։ Ղազախստանը միայն եւ միայն կողմ է Հայաստանի՝ ԵՏՄ-ին միանալուն»,- ասաց նա։
Հարցին, թե Ղազախստանը ԵՏՄ-ին Հայաստանի անդամակցելու պայմանագրին առնչվող ներպետական գործընթացները ավարտե՞լ է, Ռադաեւը պատասխանեց. «Այո։ Հայաստանին ոչինչ չի խանգարում պայմանագիրը ստորագրելու։ Միության կողմից Հայաստանին ընձեռվել են բոլոր անհրաժեշտ պայմանները, այդ թվում՝ հստակեցված է անցումային շրջանի համար անհրաժեշտ ժամանակահատվածը եւ արտոնությունները։ Դրանց շնորհիվ հայկական կողմը իր տնտեսությունը աստիճանաբար կհարմարեցնի ԵՏՄ-ի պահանջներին»։
Թագուհի ՀՈՎՀԱՆՆԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
