«Մենք ստիպված դիմեցինք գլխավոր դատախազին, որ ՀՔԾ-ն սթափվի »,- Aravot.am-ի հետ զրույցում նշեց «Ա1+» լրատվամիջոցի տնօրեն Մեսրոպ Մովսեսյանը:
Նշենք, որ ՀՀ գլխավոր դատախազը հոկտեմբերի 7-ին որոշել էր վերացնել ՀՀ հատուկ քննչական ծառայության որոշումը, այն է` քրեական գործ չհարուցել ԱԺ անվտանգության պետ Կարեն Հայրապետյանի կողմից «Ա1+» լրատվամիջոցի լրագրող Մարինե Խաչատրյանի մասնագիտական գործունեությանը խոչընդոտելու կապակցությամբ: ՀՀ գլխավոր դատախազը քրեական գործի նախաքննությունը հանձնարարել է Հատուկ քննչական ծառայությանը:
Մեսրոպ Մովսեսյանը ծիծաղելի է համարում այն հանգամանքը, որ տուժող Մարինե Խաչատրյանին 6 ժամ հարցաքննելուց հետո ՀՔԾ-ն կայացրել էր որոշում, ըստ որի կատարվածում հանցագործության տարր չկա.
«Ուզում եմ հավատալ, որ այս անգամ ՀՔԾ-ն ավելի լուրջ կմոտենա գործին, եւ ինչ-որ կերպ կպատժվի այն մարդը, որ ձեռք է բարձրացրել առաջինը` քաղաքացու վրա, երկրորդը` լրագրողի վրա եւ երրորդ` այդքան տղաների մեջ ընտրել մի փոքրիկ աղջկա եւ հարձակվել, դա խոսում է այդ տղամարդու կերպարի մասին»:
Կարդացեք նաև
Ամի ՉԻՉԱԿՅԱՆ
Ես կասեի անասնական կերպարի մասին։