16 զոհ, ավելի քան 30 վիրավոր` այսպիսին են Թուրքիայում երեկ երեկոյան սկիզբ առած և ողջ գիշեր շարունակված կատաղի փողոցային բախումների հետևանքները:
Թուրքիայի ողջ տարածքում` մայրաքաղաք Անկարայից և Ստամբուլից մինչև Հայաստանի հետ սահմանից ոչ հեռու գտնվող Վան և Բայազեթ քաղաքները տասնյակ հազարավոր քրդեր էին դուրս եկել փողոց` թուրքական կառավարությունից պահանջելով ի վերջո միջամտել Սիրիայի քրդաբնակ Քոբանի քաղաքում տեղի ունեցող իրադարձություններին: Քրդերը համոզված են, որ թուրքական բանակը, որի տանկերը կանգնած են պաշարված քաղաքից մի քանի հարյուր մետրի վրա, սիրիացի քրդերի ջոկատներին աջակցելու առանձնապես մեծ ցանկություն չունի:
«Ոչ մի դեպքում թույլ չտալ Քոբանիի անկումը» կարգախոսների ներքո փողոց դուրս եկած ցուցարարները համոզված են, որ եթե քաղաքն անցնի «Իրաքի և Սիրիայի իսլամական պետություն» խմբավորման զինյալների ձեռքը, ապա Քոբանիում մնացած մոտ 50 հազար քրդերին կոտորած է սպասում:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
