Կրկին սկսվել են շրջանառվել լուրեր այն մասին, որ ՀՀ փոխվարչապետ, տարածքային կառավարման նախարար Արմեն Գևորգյանը հրաժարականի դիմում է գրել: Պատճառն այն է, որ նա այլևս չի ցանկանում աշխատել ՀՀ կառավարությունում և հորդորները` չհեռանալ, միևնույն է, անպտուղ են եղել: Հիմա հարցն այն է, թե Արմեն Գևորգյանի համար ինչ հարմար պաշտոն գտնեն:
Aravot.am-ի տեղեկություններով` հավանական տարբերակներից է ՕԵԿ նախագահ Արթուր Բաղդասարյանի զբաղեցրած նախկին պաշտոնը` Ազգային անվտանգության խորհրդի քարտուղարի պաշտոնը: Հիշեցնենք, որ Արթուր Բաղդասարյանն ապրիլին հրաժարվեց այս պաշտոնից այն բանից հետո, երբ ՕԵԿ-ը դուրս եկավ կոալիցիայից և այդ օրվանից ի վեր պաշտոնը թափուր է մնացել:
Hraparak.am-ի տեղեկությունների համաձայն` Արմեն Գևորգյանին կփոխարինի նախկին գյուղնախարար, ՀՅԴ-ական Դավիթ Լոքյանը:
Aravot.am-ը ՀՀ ԱԺ ՕԵԿ խմբակցության քարտուղար Մհեր Շահգելդյանի հետ զրույցում հետաքրքրվեց` նման տեղեկությունների իրենք տիրապետո՞ւմ են, պարոն Շահգելդյանը պատասխանեց. «Այսօրվա դրությամբ հարցադրումը տեղ չունի: Ինչ վերաբերում է Արմեն Գևորգյանին վերաբերող հարցին, թե ում, որտեղ ինչ կնշանակեն, իշխանական կուսակցության հիմնախնդիրներն են, մենք կապ չունենք դրանց հետ»:
Կարդացեք նաև
Տաթև ՀԱՐՈՒԹՅՈՒՆՅԱՆ
Դաշնակները հենց էնպես չմտան սերժաթևատակ:Աչքները աթոռի էր, պարզ չէ*: