Հոկտեմբերի 6-ին Իսպանիայում ՀՀ դեսպան Ավետ Ադոնցն իր հավատարմագրերը հանձնեց Իսպանիայի թագավոր Ֆելիպե 6-րդին:
Հանձնման արարողությունից հետո դեսպան Ադոնցն առանձնազրույց ունեցավ Ֆելիպե 6-րդի հետ, որին մասնակցում էր նաև Իսպանիայի ԱԳ նախարար Խոսե Մանուել Գարսիա-Մարգալլոն:
Երկուստեք անդրադարձ կատարվեց միջազգային կազմակերպություններում համագործակցությանը և կարևորվեց քաղաքական երկխոսության մակարդակի բարձրացումն ու տնտեսական համագործակցության խորացումը:
Ֆելիպե 6-րդի խնդրանքով դեսպանը ներկայացրեց արդիական միջազգային խնդիրների և հարավկովկասյան տարածաշրջանին վերաբերող հարցերի առնչությամբ Հայաստանի դիրքորոշումն ու մոտեցումները:
Հանդիպման ավարտին Իսպանիայի թագավորը խնդրեց իր լավագույն մաղթանքները փոխանցել ՀՀ նախագահին և հայ ժողովրդին:
ՀՀ ԱԳՆ
