«Ես կարեւորություն չեմ տալիս հոկտեմբերի 10-ին, ես կարեւորություն եմ տալիս 2013 թվականի սեպտեմբերի 3-ին»,- այսօր` հոկտեմբերի 6-ին «Ի՞նչ գիտենք մեր արտաքին քաղաքականության վերաբերյալ» թեմայի քննարկման ընթացքում հայտարարեց ԱԺ պատգամավոր Ալեքսանդր Արզումանյանը:
Նա նշեց, որ էական է համարում այն երեւույթը, որ պայմանագիրը ուժի մեջ է մտնում 2015 թվականի հունվարի 1-ից: Նրա խոսքերով` եթե մեկ տարի առաջ իրավիճակն այլ էր եւ կարող էր թվալ, որ Մաքսային միությանը անդամակցելը կարող է նպաստավոր լինել, այսօր աշխարհում այլ իրավիճակ է տիրում.
«Մեր գործընկեր Ռուսաստանը մեկուսացման մեջ է, եւ գնալով այդ մեկուսացումը խորանում է, եւ որեւէ նշույլ չկա, որ Ռուսաստանը իր գործընկերներ Եվրամիության, ՆԱՏՕ-ի, Միացյալ Նահանգների հետ փորձում է խաղաղ ճանապարհով լուծել հարցերը, այլ առճակատման է դիմում: Փաստորեն` այս իրավիճակում մենք մտնում ենք մի միության կազմի մեջ, որը ինքնըստինքյան պատժամիջոցների է ենթարկվում: Այսինքն` մենք հոժարակամ գնում ենք դեպի պատժամիջոցներ»:
Ամի ՉԻՉԱԿՅԱՆ
