Հայաստանի ուսանողական մարզական 15-րդ խաղերի շրջանակներում հոկտեմբերի 5-ին կայացել է հրաձգության մրցաշարը։ Մասնակցում էր բուհական 8 թիմ՝ ՀՀ պետական և ոչ պետական բուհերից։ Թիմային պայքարում առաջին հորիզոնականը զբաղեցրեց Հայաստանի պետական տնտեսագիտական համալսարանը, երկրորդ տեղում էր Հայկական բժշկական ինստիտուտը, իսկ երրորդում՝ Երևանի պետական համալսարանը։
Ուսանողներն ուժերը չափեցին նաև անհատական պայքարում։ Տղաների մրցապայքարում լավագույնը Հայկական բժշկական ինստիտուտի ուսանող Խաչատուր Հարությունյանն էր, իսկ աղջիկների պայքարում առաջին տեղը զբաղեցրեց Հայաստանի պետական տնտեսագիտական համալսարանի ներկայացուցիչ Էլմիրա Կարապետյանը։
Ուսանողական մարզական խաղերում հրաձգության մրցույթ առաջին անգամ էր իրականացվում։
Հոկտեմբերի 6-ից Հայաստանի ուսանողական մարզական խաղերում մեկնարկում է բասկետբոլի աղջիկների մրցաշարը, իսկ հոկտեմբերի 13-ից՝ բասկետբոլի տղաների մրցաշարը։
Նշենք, որ Հայաստանի ուսանողական մարզական խաղերի կազմակերպիչներն են ՀՀ կրթության և գիտության նախարարությունը, Հայաստանի ուսանողական մարզական ֆեդերացիան և Հայաստանի երիտասարդական հիմնադրամը։
Կարդացեք նաև
Հայաստանի երիտասարդական հիմնադրամի
հասարակայնության հետ կապերի ծառայություն
