Հեծանվային մշակույթը մտնում է Երեւան: Այսօր մայրաքաղաքում բացվեց առաջին հեծանվային ուղին՝ Մատենադարան-Էրեբունի թանգարան եւ հետադարձ երթուղով, որը ոչ միայն կնպաստի մեզանում հեծանվային մշակույթի արմատավորմանն ու զարգացմանը, այլեւ զբոսաշրջային կարեւոր նշանակություն կունենա:
Միջոցառման նախաձեռնողներն են Երեւանի քաղաքապետարանը, Կոկա-Կոլա ընկերությունը եւ Սիրողական հեծանվասպորտի ու հեծանվային զբոսաշրջության ֆեդերացիան: Վերջինը հատուկ այսօրվա առիթով Մոսկվայից հրավիրել էր BMX հեծանվային ոճի լավագույն կատարողների, որոնք Ազատության հրապարակում կազմակերպված շոույում ցուցադրեցին հեծանվավարման բարձր մակարդակ, ինչպես նաեւ վարպետության դասեր տվեցին երեւանցի հեծանվասերներին:
Սիրողական հեծանվասպորտի ֆեդերացիան հիմնադրել է նաեւ դպրոց, որտեղ անդամագրվողներին հեծանիվ վարել սովորեցնելուց զատ պետավտոտեսչության հետ միասին կօգնեն տիրապետել նաեւ ճանապարհային երթեւեկության կանոններին:
Կարդացեք նաև
Աշոտ ՀԱԿՈԲՅԱՆ
Լուսանկարները՝ Էդուարդ Միրաքյանի եւ հեղինակի
