ԲՀԿ խմբակցության պատգամավոր Վահե Էնֆիաջյանն Արարատում եռյակի հանրահավաքին անդրադարձավ Սահմանադրական բարեփոխումներին.
«Երկիր մոլորակի վրա կան պետություններ, օրինակ, Անգլիան, ովքեր Սահմանադրություն ընդհանրապես չունեն: Իրավական ակտերով, օրենքներով, քաղաքական կամքով կարգավորում են: Մեր իրականության մեջ արատավոր երեւույթները շատացել են: Ամենափոքր տարրական չինովնիկից, ով ներկայացնում է իբր թե քաղաքական մեծամասնություն, կամայականություններ իրականացնելով՝ ավելի խորը ճգնաժամ է մտցնում: Մարդիկ պայքարի փոխարեն ընտրել են արտագաղթի ճանապարհը՝ հատկապես երիտասարդության շրջանում: Մենք ուզում ենք փոփոխություն մտցնել մեր երկրում»:
Վահե Էնֆիաջյան
Վահե Էնֆիաջյանը նշեց, որ ԱԺ-ում այդպիսի քառօրյա նիստ չի լինում, որտեղ հասարակությունն իր դժգոհությունը չհայտնի: Նա վստահեցրեց, որ եթե միասնական լինեն, բոլոր մարզերից միասնական գան հոկտեմբերի 10-ին Ազատության հրապարակ՝ կպահանջեն բոլոր փոփոխությունները, որոնք այսօր օրհասական են դարձել. «Խոսում են տնտեսական աճից, տարբեր ծրագրերից, բայց խոսքով ժողովուրդը չի կշտանում, վաղվա օրը չի լուսանում: Բայց մենք կարող ենք մի բան ասել՝ մեր խոսքը գործ է»:
Վահան Բաբայան
ԲՀԿ պատգամավոր Վահան Բաբայանի խոսքերով՝ «Մեր կառավարությունը արդեն 5 մլրդ դոլար պարտք ունի, որն արդեն ամեն ծնված երեխա ժառանգում է: Հարց է առաջանում ո՞ւր է գնացել այդ 5 մլրդ դոլարը, ձեր կյանքում ի՞նչն է փոխվել: Դուք ի՞նչ եք տեսել, որ զարգացել է մեր երկրում, որ գոհ լինեիք: Ամբողջ աշխարհում նման բան չկա, Հայաստանը դառնում է հետամնաց մի երկիր, որտեղ մարդիկ միայն հեռանում են: Չեն ուզում ներդրումներ անել, չեն հավատում: Համոզված եմ, շատերիդ ընտանիքներում կան արտագաղթած մարդիկ: Մարզպետը, կառավարությունը, բոլորն են մեղավոր, ովքեր իրենց կոչում են մեծամասնություն: Իրենք պարզ հասկացնել են տալիս, որ ինչ օրենք ընդունում են՝ այդպես էլ պետք է լինի, անկախ նրանից, թե բողոքում է 1000 հոգի, 2000 հոգի, թե 3000: Մենք միայնակ չենք կարող անել: Հոկտեմբերի 10-ին, այն մարդիկ, ովքեր ուզում են պայքարել, չեն վախենում, եկեք Ազատության հրապարակ: Մարդիկ, պաշտոններ զբաղեցրած, շատ անգամ արհամարհական վերաբերմունք ունեն, թե հանրահավաքներին քիչ մարդիկ կլինեն, ոչինչ չեն կարող անել: Բայց դուք տեսեք ինչ քաղաքական ուժեր են միավորվել, այն ուժերը, որոնք խորհրդարանում ամեն օր պայքարում են ձեր համար: Դուք տեսեք ինչ ալիք է ստանում ժողովրդական շարժումը՝ ԲՀԿ, ՀԱԿ եւ Ժառանգություն կուսակցության գլխավորությամբ»:
Կարդացեք նաև
Հռիփսիմե ՋԵԲԵՋՅԱՆ
Мальчик! Послушай внимательно: если олигарх за год зарабатывает 70млн. дол.(,как твой шеф), то, соответственно , несколько тысяч человек остаются бедными((((((. И не надо вешать лапшу на уши ! …… Если бы не этот закон(который странным образом очень “вовремя” вступил в силу(!?!), то никто бы не вышел на улицу! Теперь понятно, кто настоящая оппозиция, и мы уважаем их ! Учитесь у дашнаков,как нужно Родину любить!