Լուսանկարների աղբը հայաստանյան քաղաքներինը չէ: Դրանցից մեկը Գերմանիայի մայրաքաղաք Բեռլինի կենտրոնական փողոցներից մեկի (Ալեքսանդերպլաթս մետրոյի հարեւանությամբ) աղբամանն է եւ դրանից թափված աղբը, մյուս լուսանկարներում էլ աղբը քաղաքի կենտրոնական եւ «զբոսաշրջիկաշատ» վայրերում է:
Մենք՝ հայերս, սովոր ենք աղբամանից թափված աղբ, կեղտոտ փողոցներ տեսնել
Հայաստանի բազմաթիվ քաղաքներում, այդ թվում՝ մայրաքաղաքում: Թեեւ դժվար է համեմատել, բայց եվրոպաներում էլ ամեն ինչ կատարյալ չէ, եւ Եվրոպայի սիրտ համարվող Բեռլին քաղաքն էլ իր մաքրությամբ առանձնապես չի փայլում:
Կարդացեք նաև
Լուսանկարները՝ ՀՌԻՓՍԻՄԵ ՀՈՎՀԱՆՆԻՍՅԱՆԻ
Բեռլին, սեպտեմբեր
«Առավոտ» օրաթերթ
02.10.2014
Ու ինչ եք ուզում ասել սրանով: Ասենք, թե Եւրոպայում կեղտոտ են փողոցները: Հետո ինչ: Ուրեմն ոչի՞նչ, որ մեր փողոցներն էլ կեղտոտ լինեն: Մենք պիտի մաքուր՝ ամեն առումով, երկիր ունենանք ոչ թե նրա համար, որ ուրիշները մաքուր են ու նմանվենք նրանց, այլ, որ մենք պիտի ուզենանք մաքուր լինել՝ առանց որեւէ մեկին նայելու: Կարծում եմ, որ լվացվում եք ոչ թե նրա համար, որ ուրիշներն էլ են լվացվում, այլ լվացվում եք, որեւհետեւ դա հենց Ձեզ է պետք: Եւ այսպես պիտի շարժվենք բոլոր բնագավառներում: Հակառակ դեպքում կլինենք կեղտոտ, զզվելի երկիր ու հասարակություն հենց ինքներս մեզ համար:
Կոլոտն ուրախանում է, երբ իր նման կոլոտի է հանդիպում, փնթին- փնթիի, անլվան- ուրիշ անլվայի: Մաքուր ու ճաշակով ապրողն էլ է ուրախանում, երբ հանդիպում է իր նման մեկին: Երևանում հյուրերից ով ինչով է ուրախանում, հետաքրքիր է: