Կենտրոն եւ Նորք-Մարաշ վարչական շրջանների ընդհանուր իրավասության դատարանում Վազգեն Խաչիկյանի եւ սոցիալական ծառայության 12 աշխատակիցների գործով մեղադրողը միջնորդեց 13 տարվա ազատազրկում ՀՀ աշխատանքի եւ սոցիալական ապահովության նախարարության սոցիալական պետական ծառայության նախկին պետ Վազգեն Խաչիկյանին, Աշոտ Աբրահամյանին` 6,5 , Հովհաննես Գրիգորյանին՝ 5,5, Վիգեն Գեւորգյանին՝ 4,5, Վահագն Խաչատրյանին՝ 5,5, Սամվել Էլբակյանին՝ 5, Հովհաննես Հովհաննիսյանին՝ 5,5, Սարգիս Սարգսյանին՝ 4 տարի 7 ամիս, Արթուր Սուքիասյանին՝ 4 տարի 6 ամիս, Համլետ Մարտիրոսյանին՝ 4 տարի, , Հրանուշ Դանիելյանին՝ 4 տարի, սակայն պայմանական պատիժը չկիրառել, 1 տարի փորձաշրջան կիրառել, Բագրատ Մուրադյանին՝ 4 տարվա եւ Արմեն Խաչատրյանին՝ 4 տարվա:
Մեղադրողը իր ճառում ասաց, որ այս հանցագործության առանձնահատկությունն այն է, որ այն կատարվել է խմբով, տեւական ժամանակով, սերտ համագործակցությամբ: Եվ որ կատարված հանցագործությամբ հեղինակազրկվել է ՀՀ աշխատանքի եւ սոցիալական ապահովության նախարարության լիազոր մարմինը:
Ի դեպ, ապացույցների մեջ նշվեց ամբաստանյալ Աշոտ Աբրահամյանի բնակարանից առգրավված երկու նոթատետրերը եւ Վահագն Խաչատրյանի համակարգչից առգրավված «Դուդուկ» ֆայլը: Ըստ մեղադրողի՝ հաշվառումները արվել են փոխադարձ հսկողությամբ:
Նախագահող դատավոր Արշակ Վարդանյանը ժամանակ տվեց պաշտպանական կողմին՝ ճառերին պատրաստվելու համար:
Կարդացեք նաև
Մանրամասները ՝ տեսանյութում
Ռուզան ՄԻՆԱՍՅԱՆ
