Հանրապետական պատգամավոր Աշոտ Աղաբաբյանը հայտարարել է, թե առեւտրականների՝ շրջանառության հարկի մասին նոր օրենքի դեմ բողոքի ակցիաների համար մեղավոր են լրագրողներն ու ընդդիմությունը, որովհետեւ նրանք են գրգռում ու ոտքի հանում մարդկանց։
«ՉԻ» – Իսկ մենք միամտաբար կարծում էինք, թե առեւտրականները բողոքում են, որովհետեւ դժգոհ են նոր օրենքից։ Պարզվում է՝ օրենքը կապ չունի, նրանք դժգոհ են, որովհետեւ լրագրողներն են նրանց հրահրում դժգոհ լինել։ Եվ ընդհանրապես՝ ամեն ինչի համար էլ լրագրողներն են մեղավոր։ Նրանք այնքան են «կռռում», որ տնտեսությունը չի աճում, Հայաստանը մտնում է ԵՏՄ, մարդիկ արտագաղթում են, Լիսկային մարզպետ են նշանակում, մի խոսքով՝ փորձանք փորձանքի հետեւից։
Իսկ ընդհանուր առմամբ Բուռնաշն, իհարկե, իրավացի է։ Տեսեք՝ Հյուսիսային Կորեայում, օրինակ, ոչ լրագրողներ կան, ոչ ընդդիմություն։ Երբեւէ տեսե՞լ եք, որ այնտեղ ինչ-որ մարդիկ ինչ-որ բանի դեմ բողոքեն։ Իհարկե չեք տեսել. բոլորը գոհ են ու երջանիկ։ Հետո՞ ինչ, որ տարեկան 30-40 հազար մարդ մեռնում է սովից:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
Կարդացեք նաև
