Սյունիքի վերանշանակված մարզպետ Սուրիկ Խաչատրյանի ընտանիքի հայտարարագրած դրամական միջոցները կազմում են ավելի քան 7 միլիոն ԱՄՆ դոլար։
Սուրիկ Խաչատրյանը Սյունիքի մարզպետի պաշտոնը վերաստանձնելուց հետո Բարձրաստիճան պաշտոնատար անձանց էթիկայի հանձնաժողովին պաշտոնի ստանձնման հայտարարագիր չի ներկայացրել, սակայն կայքում տեղադրվել է նրա՝ 2011 եւ 2012 թվականների հայտարարագիրը։ 2012 թվականի հայտարարագրի համաձայն, Խաչատրյանը ունի 2 միլիարդ 500 միլիոն դրամ եւ 1 միլիոն ԱՄՆ դոլար (ընդհանուրը՝ 7,1 միլիոն դոլար) դրամական միջոցներ։ Ընդ որում, 2012-ի տարեսկզբին նրա դրամական միջոցները եղել են զրոյական։ Բանն այն է, որ Խաչատրյանը 2012-ին օտարել է 7 միլիարդ դրամի բաժնետոմսեր, որի մի մասը հայտարարագրել է որպես դրամական միջոց։ 7 միլիարդ դրամը կազմում է ավելի քան 17 միլիոն դոլար։ Թե ի՞նչ է արել Լիսկան մնացած 10 միլիոն դոլարը՝ հայտարարագրում նշված չէ։ Բացի արդեն օտարված 7 միլիարդ դրամի բաժնետոմսերը, Սուրիկ Խաչատրյանը 2012-ին եւս երկու ընկերություններում ներդրում է կատարել, որը հայտարարագրում ծածկված է «պաշտպանված է» գրությամբ։
Լիսկայի՝ 2012 թվականի տարեկան եկամուտը կազմել է 7 միլիարդ 2 միլիոն 102 հազար դրամ, որից 2 միլիոն 102 հազար դրամը նրա աշխատավարձն է։ Ի տարբերություն 2012 թ. հայտարարագրի, Սյունիքի մարզպետի 2011-ի հայտարարագիրը դատարկ է։
1,2 միլիոն դրամի չափով աշխատավարձ է հայտարարագրել մարզպետի կինը՝ Լորետա Բարսեղյանը, 360 հազար դրամ աշխատավարձ մարզպետի որդին՝ Տիգրան Խաչատրյանը։
Գագիկ ԱՂԲԱԼՅԱՆ
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
