Առցանց «Առավոտի» «Դեմ առ դեմ» հաղորդումներից մեկի ժամանակ, երբ քննարկվում էր էլեկտրաէներգիայի սակագնի բարձրացման հարցը, Aravot.am-ի ընթերցողներից մեկը հետաքրքրվել էր, թե էլեկտրակայաններն ի՞նչ գնով են վաճառում իրեն արտադրանքը:
Aravot.am-ը գրավոր հարցում է կատարել Հայաստանի էլեկտրական ցանցերին (ՀԷՑ): Ըստ այդմ, ՀԷՑ-ը էլեկտրաէներգիա է գնում շուրջ 170 կայաններից, որոնցից 162-ը փոքր հիդրոէլեկտրակայաններ են:
Փոքր ՀԷԿ-երի արտադրած էլեկտրաէներգիայի գները տարբեր են` ամենաէժան էլեկտրաէներգիան` ներառյալ ավելացված արժեքի հարկը (ԱԱՀ), կազմում է 11,93 դրամ, իսկ ամենաթանկը` կրկին ԱԱՀ-ով, 59,03 դրամ է:
Օրինակ` «Հ.Ա.Գ. Եռյակ» ՍՊԸ-ի «Գառնի ՀԷԿ-1»-ի արտադրած էլեկտրաէներգիան Հայէլցանցերը գնում է 11,93 դրամով, «Էներգոտեխնիկա» ՍՊԸ-ի ՀԷԿ-ից գնված էլէներգիայի սակագինը՝ ԱԱՀ-ն ներառյալ, 18,48 դրամ է: «Լեռ-Էքս» ընկերության «Լեռ-Էքս ՀԷԿ-6»-ից Հայէլցանցերը էլեկտրաէներգիա է գնում 16,847 դրամով: Մնացյալը՝ ստորեւ.
Կարդացեք նաև
«Գյումրի» ՀԷԿ`16,847 դրամ
«Զովաշեն»ՀԷԿ` 25,273 դրամ
«Բազենք» ՍՊԸ Եղեգիս -1 ՀԷԿ`25,273 դրամ
«Արենի» ՀԷԿ`25,273 դրամ
«Ատլաս Էներգ» ընկերության «Այգեձոր» ՀԷԿ`19,069 դրամ
«Գրիգ. Թադ. Կվարց» ընկերության` «Անի» ՀԷԿ` 25,273դրամ
«ԲԷՑ» ՓԲԸ-ի «Լոռի-1» հողմակայան` 44,486 դրամ
«Արփա Էներգիա» «Արփա» փոքր ՀԷԿ` 25,273 դրամ
«Էներջի կոկ» ընկերության «Խաչաղբյուր» փոքր ՀԷԿ` 25,273 դրամ
«ՄԵԳԱԷՆԵՐՋԻ» ընկերության «Խաչաղբյուր-2» ՀԷԿ` 25,273 դրամ
«ՀիդրոԿորպորացիա» ընկերության ՓԲԸ «Արգիչի» փոքր ՀԷԿ`25,273 դրամ
«Ձորագետ-5» փոքր ՀԷԿ` 25, 273 դրամ
«Ձորագետ-6» փոքր ՀԷԿ`25, 273 դրամ
«Հայռուսկոգեներացիա»` 59,03 դրամ
«Լուսակերտ Բիոգազ Փլանտ»ընկերություն` 48,06 դրամ
Խոշոր էլեկտարկայաններից` «ՀայկականԱտոմայինԷլեկտրակայան»ՓԲԸ -ից, ըստ Հայէլցանցերի, էլեկտրաէներգիա է գնվում ` 5,726 դրամով:
Մյուս խոշոր արտադրողից` «Որոտան» ՓԲԸ (հիդրոէլեկտակայանների համալիր), ՀԷՑ-ը էլեկտրաէներգիա է ձեռք բերում` 7,978 դրամով:
«ՄիջազգայինԷներգետիկԿորպորացիա» ՓԲԸ –ից` 2,072 դրամով
«ՀրազդանիԷներգետիկԿազմակերպություն»ԲԲԸ-ից` 36,925 դրամով
«Երեւանի ՋԷԿ»ՓԲԸ-ի շոգեգազային համակցված ցիկլով աշխատող էներգաբլոկի արտադրած էլեկտրաէներգիան ՀԷՑ-ը գնում է 18,133 դրամով:
«ՀայՌուսգազարդ» ՓԲԸ-ից` 40,08 դրամով:
«Հնարավո՞ր էր արդյոք չբարձրացնել էլեկտրաէներգիայի սակագինը» թեմայով «Դեմ առ դեմի» ամբողջական հաղորդումը դիտեք տեսանյութում:
Նելլի ԲԱԲԱՅԱՆ
