«Ռուսալ Արմենալ»-ը խոստանում է փայլաթիթեղի արտադրությունն ավելացնել:
Կառավարությունը 3 տարով կհետաձգի «Ռուսալ Արմենալ» ընկերության ներկրած ապրանքների համար ավելացված արժեքի հարկի կիրառումը: Այսպիսի արտոնություն տրվում է այն ընկերություններին, որոնց ներկրած ապրանքի գինը գերազանցում է 200 մլն դրամը: Կառավարության նիստի օրակարգում, որտեղ «Ռուսալ Արմենալ»-ին արտոնություն տալու մասին որոշումն է, նշված է, որ փայլաթիթեղի արտադրությամբ զբաղվող այս ընկերությունը ներկրելու է 513 միլիոն 402 հազար դրամի ապրանք: Մաքսային մարմինների կողմից հաշվարկվող ավելացված արժեքի հարկի վճարման ժամկետը հետաձգվել է մինչեւ 2017 թվականի նոյեմբերի 1-ը:«Ռուսալ Արմենալ»-ը կներկրի վառարան`ալյումինե փայլաթիթեղը գլանափաթեթներով թրծաթողման համար եւ էլեկտրոստատիկ պատման համակարգ:
Ըստ նույն աղբյուրի, այս ընկերությունը ստեղծման օրվանից ի վեր կատարել է շուրջ 120 մլն դոլարի ներդրում:
«Ռուսալ Արմենալ»-ը կառավարության խոստացել է ներդրումային ծրագրի շրջանակներում արտադրական հզորություններն ավելացնել եւ արտադրանքի ցանկն ընդլայնել: Ըստ ընկերության հաշվարկների, թողարկվող ապրանքային արտադրանքի ավելացում է ակնկալվում մինչեւ 33600 տոննա տարեկան եւ փայլաթիթեղի լրացուցիչ թողարկում 5600 տոննա:
Կարդացեք նաև
Լուսինե ԲՈՒԴԱՂՅԱՆ
