Հայաստանը կարող է Եվրասիական տնտեսական միության անդամ դառնալ 2015թ. հունվարի 2-ին, այս մասին հայտնել է Ռուսաստանի էկոնոմիկայի զարգացման նախարարության՝ ԱՊՀ երկրների հետ Մաքային միության և տնտեսական համագործակցության բաժնի փոխտնօրեն Աննա Սիսոևան: Փոխանցում է «Ռոսբալտ»-ը:
«Պայմանագրի վավերացման գործընթացը պատշաճորեն է ընթանում, բայց չի ստացվում անել այն միաժամանակ և մեկ օրում», – ասել է Սիսոևեան՝ նշելով, որ Ղազախստանը համաձայնագիրը կվավերացնի հոկտեմբերի 2-ին, Բելառուսը՝ հոկտեմբերի 7-ին:
«Մենք հույս ունենք, որ հոկտեմբերի 10-ին, երբ նախագահները կհանդիպեն Մինսկում, մենք նրանց համար հայտարարություն կպատրաստենք այն մասին, որ երեք երկրները ավարտել են վավերականացման գործընթացը և պատրաստ են, որ 2015թ. հունվարի 1-ից պայմանագիրն ուժի մեջ մտնի», – ասել է նա՝ ավելացնելով, որ Հայաստանի միությանը միանալու պայմանագիրն արդեն պատրաստ է և այն ևս կարող է ստորագրվել հոկտեմբերի 10-ին Մինսկում, ինչը Հայաստանին հնարավորություն կտա ԵվրԱզԷս-ի անդամ դառնալ հունվարի 2-ին:
Պատրաստեց Հովհաննես ԻՇԽԱՆՅԱՆԸ
