Այս մասին այսօր Aravot.am-ի հետ զրույցում նշեց Մարդու իրավունքների պաշտպանի խորհրդական Անուշ Մարգարյանը, որն եկել էր սատարելու Ազգային ժողովի մոտ բողոքի ցույց անող փոքր եւ միջին բիզնեսի ներկայացուցիչներին:
Նրա խոսքով` խախտվել է ՀՀ նախագահի հրամանագիրը, որի համաձայն, այն բոլոր օրենքների նախագծերը, որոնք վերաբերում են մարդու իրավունքներին, պետք է անպայման ներկայացվեն պաշտպանի կարծիքին` մինչ կառավարությանը ներկայացնելը. «Իսկ այս օրենքի նախագիծն անմիջական կապ ունի մարդու իրավունքների հետ»:
Անուշ Մարգարյանը տեղեկացրեց, որ մի շարք առեւտրականներ Մարդու իրավունքների գրասենյակին դիմում-բողոք են ներկայացրել, որտեղ բարձրաձայնել են օրենքի խնդրահարույց կետերը. «Մենք իրենց հետ հանդիպել ենք: Իրենք ասում են, որ փաստաթղթավորումը կարող է մի շարք ձեռնարկությունների սնանկացման եւ գնաճի պատճառ հանդիսանալ» :
Մարդու իրավունքների խորհրդականն առաջարկում է այլընտրանքային տարբերակ մշակել օրենքի, որը զիջումային մոտեցում կունենա եւ բոլոր առեւտրականների շահերից կբխի. «Մենք շուտով արդեն մեր դիրքորոշմամբ եւ հստակ առաջարկություններով հանդես կգանք»:
Կարդացեք նաև
Էլյա ՀՈՎՀԱՆՆԻՍՅԱՆ
