Գետափնյա գյուղով մի կեղտոտ ու ճահճացած գետ է հոսում. բնակիչները հպարտությամբ ասում են՝ Զանգուն է, բայց ով չի ալարում՝ այս գետի մեջ աղբ է նետում: Ու թեեւ կուտակված աղբից ու ճահճից գարշահոտություն է տարածվում, մոծակներն էլ՝ շատանում, բնակիչներն ասում են՝ «Գյուղում մարդ մնացե՞լ է, որ հոտ էլ առնի, կամ մարդ կա՞, որ մոծակն էլ կծի. գետի ափին տներ կան՝ դռները տարիներով փակ են»: Գյուղացիները չեն հիշում, թե վերջին անգամ այս գետը երբ է մաքրվել:
Լուսանկարները՝
ՆԵԼԼԻ ԲԱԲԱՅԱՆԻ
«Առավոտ» օրաթերթ
27.09.2014
