Այսօր ԱԺ քառօրյան նորից սկսեց «Ժառանգության» պատգամավոր Զարուհի Փոստանջյանի՝ արդեն ավանդական դարձած հարցով՝ «Հայ-թուրքական արձանագրությունները դո՞ւրս եք մղելու ԱԺ նիստի օրակարգից: Ի՞նչ է լինելու դրանց ճակատագիրը»:
ԱԺ նախագահ Գալուստ Սահակյանը պատասխանեց, որ «նորից հռետորական հարց եք տալիս, որովհետեւ ՄԱԿ-ի ամբիոնից ՀՀ նախագահը իր դիրքորոշումը հայտնել է, իսկ դա գտնվում է ՀՀ նախագահի լիազորությունների շրջանակներում:
Զարուհի Փոստանջյանի խոսքերով՝ «Սերժ Սարգսյանը ՄԱԿ-ի անունից հայտարարեց, որ հայ-թուրքական արձանագրությունները պետք է ուղարկել գրողի ծոցը: Ես կարծում եմ, որ ՀՀ ԱԺ-ն գրողի ծոցը չէ: Թեպետ կարելի է նաեւ պնդումներ անել, որ այստեղ գրողի ծոցը հասկացությունը իրականությանը համապատասխանում է, քանի որ այստեղ են սպանվել մեր երկրի ղեկավարները…»:
ԱԺ փոխխոսնակ Էդուարդ Շարմազանովն ընդհատեց Զարուհի Փոստանջյանին՝ հորդորելով պահպանել քաղաքական կոռեկտություն ու խոսել բացառապես օրենքի վերաբերյալ. «Թե չէ գրողի ծոցը…սպանվել: Դուք հնարավորություն ունեք հայտարարությունների ժամին ձեր խոսքն ասել այս ամբիոնից»:
Կարդացեք նաև
Ըստ Զարուհի Փոստանջյանի, գրողի ծոց բառակապակցությունն օգտագործվել է ՄԱԿ-ի ամբիոնից, ՀՀԿ կուսակցության նախագահ Սերժ Սարգսյանի կողմից, ինքն ընդամենը մեջբերում է:
Զարուհի Փոստանջյանին այլեւս թույլ չտվեցին շարունակել միտքը:
Հռիփսիմե ՋԵԲԵՋՅԱՆ
Տեսանյութը՝ «Ա1+»-ի
Իմ կարծիքով տիկին Փոստանջյանը տվիալ հարցում սխալ է մեկնաբանում եւ սա միայն կարող է բերել վստահության կորուստի թե իր թե ժարանգության նկատմամբ: Կարծում եմ որ թե տիկին Փոստանջյանը թե ժարանգությունը կարող են (եվ հաճախ անում են) շատ ավելի կարեւոր թերություների եւ խնդիրների մասին խոսել, զերծ մնալով պոպուլիստական ելույթներից: