Այսօր վաղ առավոտից խորհրդարանի շենքի դիմաց հավաքված առևտրականները շարունակում են բողոքել հոկտեմբերի մեկից շրջանառության հարկի կիրառման դեմ: Անցյալ ամբողջ շաբաթն առեւտրականները բողոքի ակցիաներ էին անում կառավարության դեմ:
Հիշեցնենք, որ մայիսին ընդունված օրենքի համաձայն, շրջանառության հարկը պետք է 3,5 տոկոսից նվազեցվի`հասնելով մեկ տոկոսի:
ՀԱԿ խմբակցության քարտուղար Արամ Մանուկյանն, որը լսել էր խորհրդարանի շենքի մոտ բողոքի ակցիայի մասնակիցներին, լրագրողներին տեղեկացրեց, որ պատրաստվում են ստորագրահավաք կազմակերպել, որպեսզի խնդիրը հրատապ կարգով մտցվի ԱԺ օրակարգ. «Մեր նպատակն է, որպեսզի օրենքը հոկտեմբերի 1-ից չկիրառվի, այլ կիրառվի ընտրանքային: Այսինքն` եթե ուզում եմ 3.5 տոկոս, բայց առանց թղթի: Իսկ եթե համաձայն եմ թղթով` ցույց տալ, թե ումի՞ց եմ, օրինակ ոսկի գնում, ապա մեկ տոկոս, ինչպես ներկայումս առաջարկում է օրենքը»:
Նելլի ԳՐԻԳՈՐՅԱՆ
Կարդացեք նաև
Լուսանկարը՝ www.armlur.am-ի
