Հայկ Ալումյանի կարծիքով՝ Սուրիկ Խաչատրյանի մտերիմները իրականությանը չհամապատասխանող բաներ են խոսում՝ հավատալով հանդերձ, որ իրենք ճիշտ են ասում Սյունիքի վերանշանակված մարզպետ
Սուրիկ Խաչատրյանը 1in.am-ի հետ զրույցում նշել էր, որ Բուդաղյանների փաստաբան Հայկ Ալումյանին՝ դատական նիստի ընթացքում՝ տեսագրության միջոցով համոզել են, որ այդ ամենը հերյուրանք է:
Այս առնչությամբ Aravot.am-ը զրուցեց փաստաբան Հայկ Ալումյանի հետ: Նա նշեց, որ համոզված է, որ այս գործում անհրաժեշտ պաշտպանություն չի եղել, որ Ավետիք Բուդաղյանին սպանողները եւ Արտակ Բուդաղյանին ծանր մարմնական վնասվածքներ պատճառողները օրենքով մեղավոր են:
Նա հայտարարեց, որ ամեն ինչ անելու է, որպեսզի վերականգնվի արդարությունը. «Ես չգիտեմ, թե Սուրիկ Խաչատրյանը կարծում է, թե տելեպատիայի է տիրապետում եւ փորձում է իմ մտքերը կարդալ, ես այդպիսի մտքեր չունեմ: Եթե Սուրիկ Խաչատրյանն իմ գործողություններն է մեկնաբանում դատարանում, ուրեմն՝ դատարանում ես այնպիսի գործողություններ չեմ կատարել, որ գոնե մի փոքր հիմք տար ենթադրելու, որ ես կարող է, կարծում եմ, որ իրենք ճիշտ են»: Հայկ Ալումյանը հավելեց, որ համոզված է, որ ավտոմեքենայի մեջ Ավետիք Բուդաղյանին ծեծել է Սուրիկ Խաչատրյանը: Նա նաեւ իր համոզմունքը հայտնեց, որ կրակոցներից մեկն եղել է վերեւից ներքեւ ուղղությամբ. «Դա ոչ միայն ես եմ համոզված, դա դատաբժշկի եզրակացությունն է, եւ այն տեսանյութն է, որում արտացոլումն երեւում է: Եթե այսքանից հետո էլի ինչ-որ մեկի մոտ կասկածներ կմնա, թե ես ինչում եմ համոզված, ինչում չէ, թո՛ղ իր կասկածները պահի իրեն»:
Կարդացեք նաև
Փաստաբանը նշեց, որ կարդում է Սուրիկ Խաչատրյանի մտերիմների ցուցմունքները կարդում է, ոչ միայն չի հավատում դրանց, այլ մտածում է, որ իրենք անկեղծորեն հավատում են իրենց գրածին. «Ես ոչ միայն համոզված եմ, որ իրենք խեղաթյուրում են, այլ իրենցից մի քանիսի ցուցմունքները կարդալիս, ես կարծում եմ, որ իրենք հավատալով են այդ ասում: Այսինքն՝ իրականությանը չհամապատասխանող բաներ են խոսում՝ հավատալով հանդերձ, որ իրենք ճիշտ բան են ասում: Այսքանից հետո ես ինչի՞ն հավատամ՝ իրենց գրածի՞ն, թե՞ ինչ որ տեսնում եմ ու լսում»:
Ամի ՉԻՉԱԿՅԱՆ
Իսկ վստահ եք, որ փաստաբանի կարիք կա??? Գուցե այլ մասնագետի ?????