Ռուսաստանում բնակվող մեր հայրենակցի որդին ծառայում է ռուսական բանակում, հանկարծ տեղեկացել է, որ եղբոր որդին, որը Դնեպրոպետրովսկում է ապրում, զինծառայության է անցել եւ կռվում է ռուսական զորքի դեմ: Երկու եղբայրն ու նրանց զավակները հայտնվել են բարիկադների տարբեր կողմերում, կարող են անգամ եղբայրասպան դառնալ: Ուրիշի հողում ապրում են, ուրիշի հողը պաշտպանելու պարտավորություն ունեն:
Մեծ դժվարությամբ Եվրոպա մեկնած ու էմիգրանտների ճամբարում հայտնված ծանոթս տառապալից ճանապարհ է անցել՝ նպաստների համար դաժան պայքարի, կեցության իրավունքի համար կռվի, դատարանների-փաստաբանների հետ առնչվելու եւ, ի վերջո, քաղաքացիություն ստանալու համար: Հիմա կարոտած նամակներ է գրում իր մանկության փողոցի, իրենց բակի Վարդուշ տատի, թութ թափ տալու արարողության, հարեւաններով սուրճ խմելու մասին: Մեղք մարդիկ՝ իրենց անցյալը կորցրած, մի փոր հացի ու մի փոքր ապահովության զոհ գնացած:
Արմինե ՕՀԱՆՅԱՆ
Հրապարակումն ամբողջությամբ կարող եք կարդալ «Հրապարակ» թերթի այսօրվա համարում:
