Ըստ Տրայան Հրիսթեայի՝ Եվրամիությունը հավատացած է, որ փափուկ ուժ, ժողովրդավարություն օգտագործելը լավագույն տարբերակն է խնդիրները լուծելու համար:
Այսօր՝ սեպտեմբերի 26-ին, «Եվրամիությունը Հայաստանում» ակումբի երրորդ միջոցառման ընթացքում մասնակիցներից մեկին հետաքրքրում էր, թե Հայաստանի որոշումը՝ անդամակցել Մաքսային Միությանը, Եվրամիությանը անհանգստացնո՞ւմ է: ԵՄ պատվիրակության ղեկավար, դեսպան Տրայան Հրիսթեան պատասխանեց՝ «Ո՛չ, ո՛չ, ո՛չ, ո՛չ, ո՛չ»:
Նա հավելեց, որ Եվրամիությունը նման հարաբերություններ ունեցել է տասից ավելի երկրների հետ. «Ի տարբերություն այլ աշխարհաքաղաքական գործընկերների՝ Եվրամիությունը միշտ հարգում է իր գործընկերների որոշումը, մենք չենք պարտադրում»:
Կարդացեք նաև
Տրայան Հրիսթեան նշեց, որ Եվրամիությունը հավատացած է, որ փափուկ ուժ, ժողովրդավարություն օգտագործելը, լավագույն տարբերակն է խնդիրները լուծելու համար: Նրա խոսքերով՝ Եվրամիության համար հասանելի միակ գործիքներն են արժեքները, առեւտուրը եւ համագործակցությունը. «Ասել, թե ինչ-որ մեկին պարտադրում եք՝ մի փոքր փիլիսոփայական հարց է»:
Ամի ՉԻՉԱԿՅԱՆ
