Վերջին օրերին սեմնինարի պատրվակով հաճախ են հետաձգվում նախապես նշանակված դատական նիստերը:
Դատավորները մասնակցում են սեմինարի, իսկ կողմերն այդ մասին տեղեկանում են` գալով տվյալ դատարան:
Շենգավիթ վարչական շրջանի ընդհանուր իրավասության դատարանում այսօր նշանակվել էր նախնական դատական նիստը՝ կապված դերասան Աշոտ Մելոյանի «Ֆեյսբուք» սոցիալական ցանցում կատարված գրառումների հետ՝ պատվի, արժանապատվության գործով: Դատավոր Արա Կուբանյանը սեմինարի էր, եւ նիստը հետաձգվել էր:
Հիշեցնենք, որ դերասանը օրթոպեդ-ողնաշարաբան Ենոք Աբրահամյանի լուսանկարն էր տեղադրել իր ֆեյսբուքյան «պատին», մեղադրել էր նրան իր մոր մահվան մեջ: Բժիշկը դիմել էր դատարան`հայտնելով, որ դերասանը զրպարտչական եւ վիրավորական արտահայտություններ է կատարել: Աշոտ Մելոյանը դիմել էր Տեղեկատվական վեճերի խորհրդին` խնդրելով կարծիք տրամադրել իր կատարած հայտարարության վերաբերյալ: Խորհուրդը եզրակացրել էր, որ Ա.Մելոյանի կողմից կատարված գրառման մեջ օգտագործված արտահայտություններից, մասնավորապես, «ստահակը» և «ֆաշիստը» արտահայտություններն վիրավորական արտահայտություններ են:
Ռուզան ՄԻՆԱՍՅԱՆ
