Սեպտեմբերի 25-ին Ադրբեջանից վերադարձած, Նոյեմբերյան քաղաքի 53-ամյա բնակիչ Սարգիս Անանյանը Իջեւանի բժշկական կենտրոնում հետազոտության է ենթարկվել:
Բժշկական կենտրոնի տնօրեն Վազգեն Մարգարյանից տեղեկացանք, որ նրա մարմնի վրա բռնության հետքեր չեն հայտնաբերվել: Ս. Անանյանի ձախ ծնկահոդը չի ծալվում, ինչը հին վնասվածքի հետեւանք է: Նա թողնում է տարօրինակ մարդու տպավորություն, ինչը վկայում է հոգեկան որոշակի խնդիրների առկայության մասին: Վ. Մարգարյանն ասաց, որ Ս. Անանյանի օրգանիզմում օտար, քիմիական նյութերի առկայությունը կամ դրանց բացակայությունը կստուգվի Երեւանում՝ նրա արյան տոքսիկոլոգիական հետազոտության միջոցով: Նման նյութերի ներարկումները որոշ ժամանակ անց առաջացնում են սրտի կանգ, քրոնիկ հիվանդություններ:
Ոսկան ՍԱՐԳՍՅԱՆ
