12-րդ անգամ Ինֆորմացիայի ազատության կենտրոնը ամփոփում է տեղեկատվության ազատության իրավիճակը Հայաստանում եւ ՏԱ միջազգային օրը ամփոփում «Ոսկե բանալի» եւ «Ժանգոտ կողպեք» ամենամյա մրցանակաբաշխությամբ:
Միջոցառմանը մասնակցում էր Հովիկ Աբրահամյանը, Հայաստանում Եվրոպական միության պատվիրակության ղեկավար դեսպան Տրայան Հրիսթեան:
ՀՀ Արմավիրի մարզպետարանը ճանաչվեց ամենաբաց գերատեսչություն եւ մրցանակը՝ «Ոսկե բանալին» հանձնեց վարչապետ Հովիկ Աբրահամյանը: «Ոսկե բանալիներ» ստացան տեղեկատվության ազատության մասին օրենքն ամենաակտիվն օգտագործող լրատվամիջոցը՝ Yerkir.am կայքի խմբագիր Ագնեսա Խամոյանը, փաստաբան Կարեն Մեժլումյանը, ինտերնետային պաշտոնական լավագույն կայք ճանաչված police.am-ը:
«Ժանգոտ կողպեքը»՝ որպես փակ աշխատանքի խորհրդանիշ, տրվեց Կադաստրի պետական կոմիտեին, որպես քաղաքացիների տեղեկություն ստանալու հարցումներին ամենադանդաղ պատասխանող մարմնի եւ Հայաստանի տնտեսագիտական համալսարանին՝ որպես 2014թ. ամենազավեշտալի պաշտոնական պատասխանի հեղինակ-մարմնի:
Կարդացեք նաև
Ռուզան ՄԻՆԱՍՅԱՆ
«Առավոտ» օրաթերթ
26.09.2014
