Երեկ «Ոչ թալանին» նախաձեռնության անդամներն էին մկան թակարդներ տեղադրել շենքի մոտ: Կազմակերպիչներից Վարդան Հարությունյանն ասաց, որ դա Հովիկ Աբրահամյանին է ուղղված. «Ուզում ենք թակարդի միջոցով բռնել նրան եւ այնպես անել, որ մարդկանց թալանելուն վերջ դնի»:
Վարդանը Հայ ազգային կոնգրեսից է: Նրան ՀԱԿ գրասենյակի մոտից երեկ բերման են ենթարկել ոստիկանության Կենտրոնի բաժին, եւ քննիչը նրան հարցաքննել է որպես վկայի:
Վարդանին մեղադրում են սեպտեմբերի 23-ին կառավարության մոտ բողոքի ակցիայի ժամանակ խուլիգանություն կատարելու մեջ: «Սեպտեմբերի 23-ին, ժամը 13-ին կառավարության շենքի մոտ տեղի ունեցած ակցիայի ժամանակ խուլիգանություն եմ իրականացրել: Ակցիայի ընթացքում ոտքով հարվածել եմ ոստիկանի հետույքին եւ սեռական բնույթի հայհոյանքներ տվել ոստիկանին: Սակայն նման բան չի եղել, ես այդ ակցիային ընդհանրապես չեմ մասնակցել»,- ասաց նա:
Ոստիկանության բաժնում հետաքրքրվել են. արդյոք թակարդ դնելը Հովիկ Աբրահամյանի հետ կապ ունի՞, Վարդանն էլ պատասխանել է. «Դե, եթե Հովիկ Աբրահամյանը մուկ է, ուրեմն կապ ունի: Թակարդը մուկ բռնելու համար է»: Նրա խոսքով, այժմ նախաքննություն է գնում, քրեական գործ դեռ չի հարուցվել:
Աննա ՄԱԹԵՎՈՍՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Լուսանկարը՝ armlur.am-ի
